பஞ்சப்பூரில் 238 கோடி ரூபாயில் புதிய கழிவுநீர் சுத்திகரிப்பு நிலையம்!
பஞ்சப்பூரில் புதிய கழிவு நீர் சுத்திகரிப்பு நிலையம் பஞ்சப்பூரில் அமைக்கப்பட இருக்கிறது. இதனால் பணிகள் அனைத்தும் தீவிரமாக நடைபெற்று வருகிறது.
திருச்சி மாநகராட்சி, நகரின் புறநகர் பகுதிகளில் பாதாள சாக்கடை திட்டத்தை (UGD) செயல்படுத்தி வருகிறது. மூன்றாம் கட்ட UGD திட்டப்பணிகள் ஜனவரி 2026க்குள் முடிவடையும் என எதிர்பார்க்கப்படுகிறது. இதுவரை 92% பணிகள் நிறைவடைந்துள்ளன. இரண்டாம் கட்ட UGD திட்டம் ஏற்கனவே முடிவடைந்துள்ளது. தற்போது, இறுதி கட்ட பணிகள் நடைபெற்று வருகின்றன.
ரூ.377 கோடி மதிப்பிலான இரண்டாம் கட்ட UGD திட்டத்தில், 287 கி.மீ நீளத்திற்கு குழாய்கள் அமைக்கும் பணி முடிவடைந்துள்ளது. இதன் மூலம் சுமார் 25 வார்டுகள் பயன்பெறும். மூன்றாம் கட்ட UGD திட்டம் ரூ.330 கோடியில் 16 வார்டுகளில் செயல்படுத்தப்படுகிறது.
மூன்றாம் கட்ட UGD திட்டப்பணிகள் டிசம்பருக்குள் முடிவடையும். இந்த திட்டம் 2026 ஆரம்பத்தில் பயன்பாட்டுக்கு வரும்
இதற்கிடையில், பஞ்சப்பூரில் ரூ.237.8 கோடியில் புதிய கழிவுநீர் சுத்திகரிப்பு நிலையம் (STP) அமைக்கப்படுகிறது. இந்த STP, UGD இரண்டாம் மற்றும் மூன்றாம் கட்டங்களில் சேகரிக்கப்படும் கழிவுநீரை சுத்திகரிக்கும்.
பாதாள சாக்கடை மற்றும் குடிநீர் திட்டங்களால் சேதமடைந்த சாலைகளை, வடகிழக்கு பருவமழைக்கு முன்பு சீரமைக்க திட்டமிடப்பட்டுள்ளது
